كان فعل ماضي / بقلم / نصر سيد بدر

 كان فعل ماضي

ايه رأيك في الفعل الماضي؟؟

ما الحاضر ضاع والمستقبل..

ودعتك.. وضميرى راضى..

والحلم كمان لن يستكمل..

الدرس انتهي.. لمي الكراريس

.............

سلمتك قلبي وكياني..

والعمر اهو كان ملك ايديكي

ليه يرضي ضميرك حرماني؟؟

وانا قلبي شهيد حب عينيكي

ياهوايا.. وناسي.. وخلاني

ليه انسي الفرحه علي ايديكي؟؟

................

الدرس انتهي لمي الكراريس

وسيبيني اعيش ذكرى الماضي

الليل انتهي.. طفي الفوانيس

اصل انت عشان قلبك فاضى

حطمتي الحاضر والماضى..

ضيعتي كمان المستقبل..

ايه رأيك في الفعل الماضي؟؟

ايه رأيك في القلب المجروح؟؟

ايه رأيك في عذابك للروح؟؟

ايه رأيك في مرار الايام؟؟

ضميرك مستريح؟؟..

اكيد.. لو فيه ضمير.

...... .........

شعر/نصر سيد بدر طلحه القاهره