اتنين في واحد
حبيت اتنين في واحد
أو واحد في اتنين
كل ما أكلم واحد منهم
معرفش التاني بيروح فين
و حيرت قلبي معاهم
انهم ليهم اسمين
وفي الأصل جسد واحد
وفي الخيال جسدين
مرة تقولي حسناء
ومرة تقولي هيفاء
وفي الآخر تطلع حسنين
يا تري هي راجل ولا حرمتين
تكتبلي على الفيس بحبك
بوست رقيق من كلمتين
أطير أنا في السما بجناحين
ومرة ترسم لي وردة آو قلبين
وتقول لي نفسي اقابلك
واشوفك يا نور العين
او ابعتلي صورتك
علشان أعرف إنت مين
من شدة الفرحة امسك نجمتين
وهي في الحقيقة راجل بشنبين
عيب عليك يا فيس
هي دي أخلاق ناس زين
حبيت اتنين في واحد
أو واحد في اتنين
بقلم /
عبد المجيد حمودة
مصر
ليست هناك تعليقات:
إرسال تعليق