القصيدة عامية باللهجة المصرية
من أرض الواقع
ياللي أنتَ صابر ع الوجع
وأمسح دموعك م البُكا
كُتر البُكا يقويه
مكتوب عليك الشقى
أتعب كمان وداديه
الفقر أصله دكر
وعارف اللي يأويه
أمسح دموعك وأبتسم
وأنسى التعب وأرميه
زمنا زمن العجب
فيه اللي بوسنا أيديه
وفيه اللي نسي أخرته
ليفدي السفيه بعينيه
الدنيا على دا ودا
أخلي الطريق بما فيه
وكمل مشوارك رضا
ربك شايف أدعيه
يادنيا كفاية بُكا
دا الصبر بكى عليه
وقال عيب أختشي
معدش فيه اعميه
يادنيا أمشي عٍدل
وخدي الفقير ضميه
شيلي عنه الوجع
يوم الحساب تلاقيه
يادنيا قلبي إنخلع
ساعة ماشوفت عينيه
كُلها حُزن وأسى
والمرض بياكل فيه
لا حد حن لعلته
ولا حد قال أواسيه
ياللي أنته ماشي ف سكته
طبطب عليه وراعيه
يمكن يلف الزمن
وتبقا البديل ليه
ماهو زمنا كده
بيلف كتير حواليه
ياللي صابر على الوجع
بقلمي / جمال حلمي ابراهيم عامر
ليست هناك تعليقات:
إرسال تعليق