يا سكره
شعر الأستاذ/ محمود القطوعي..
ياسكره .. ياسكره
خلصتي حبر المحبره
ياريت ف يوم
حتى الهموم
هي الصحاب
صبرك طويل
والشعر شاب
و أمور حياتك
متعكرة
ياسكره .. ياسكره
من كل لون
جبتي الهباب
وأنتي ف جمالك
شهد وسحاب
مطرك بيحي
الأرص الخراب
عودك ف وصفة
عود اللبلاب
والمشية فيكي
متغندرة
ياسكره ..ياسكره
هو النصيب
شايف الثواب
ولا المكتوب
زعلان وغاب
والدنيا ليه
دايرة ف عذاب
و إزاي نصلح
خطأ الحساب
ونشوف أمورك
متعطرة
وأنت جميلة
ياسكره
شعر الأستاذ/ محمود القطوعي..
ليست هناك تعليقات:
إرسال تعليق