عتابا
أنا مخلوق من معدن دهب حر
بزمانو مايغيرني برد حر
أنا بحروف رح أبني وطن حر
شموسو مابيحجبها الضباب
أغنية
لا تقلي قلبك مغروم
ومجنون بحب الحلوين
وببلادك واحد مظلوم
وفيه جياع وعريانين
أنسى الحب وأنسى النوم
وبجناحك بعد الغيوم
كون الشمس ودفي دوم
لا تهزم برد كوانين
ليلك طال وعشعش بوم
كوابيس بترعب وهموم
كون البدر وكون نجوم
وعي عيون الغفيانين
بدك تعشق هيدا لزوم
وطنك حبو صلا وصوم
فيه تغنى وفوقو حوم
وصوتك يطرب البساتين
شاعر العرب نادر منجه
6 9 2023
ليست هناك تعليقات:
إرسال تعليق