حلاوة المولد نار ومش هزار / تأليف ناصر يوسف عيسى
حــلاوة الـمــولــــد لــمــين ده عــــايــــزه مــــن الــمــاهــيـــه اثــنــين
بـاقــول لأولادى نـقاطــعها السـنه ده بصراحه رفـضوا ومش راضيين
أقولهم تجارها خبّوا السّكروعملولنا أزمه يقولولى معلش احنا مسامحين
يـقولـــولـــى دول غــلابــه بيــكــسبـوا مــرة وبـعـــد كـــده قــاعـــديــن
وقعـدوا يحـاورونى ويناقشونى وقلتـلهم الناس هاتقاطعها الكـل بالملايين
قالولى يابابا ماحدش ها يقاطعها ولو قاطعوها هايروحوا من ولادهم فين
وفـضــلنا نتــناقــش ونتــكلــم مـش دقيــقة قــول سـاعـــة أو سـاعـــــتين
ولأنـهــم أولادى وهـــمّــه دول أكــبــادى والــرّوح وضــى الـعــيــن
فى النهايه تعبونى وطلعولى عيونى ونزلت جبت الحلاوة وزودت الفوليه والسمسميه وقبلهم التين
ايه رأيكم يا جماعه مين ها يقاطعها معايا انت ولاّ انت ولاّ انتوا مش ناويين تزعلوا الحلوين
ليست هناك تعليقات:
إرسال تعليق