حتة من قلبي )
بقلمي (منى شحاتة)
جمهورية مصر العربية
مين دي اللي قدامي مبقتش عرفاها
وحتة من قلبي لكن جرحوني كسروني هزوني ظلموني
انا ضاع خلاص عمري دا أنا عشته علشنهم ووهبتهم روحي
حقيقي دي صدمة ونزلت لطمة جامدة على وشي
اديتهم مابخلتش ضحيت كتير ياما علشان غلاوتهم
ولبر السلامة بأيدي عدتهم
لما شدو عودهم كسرولي أنا عودي
من عيني مش شايفة دموعي اهي نازلة شلال على خدي
ياريت يا أيامي ليا تاني تعودي
أنا خايفة ياولادي لفيوم تقوموا تصحو ماتلاقوا وجودي
وتعيشوا أيامكم ف ندم وتتمنوا في يوم هنا رجوعي
يارب ياعالم باللي ف قلبي
أنا عمري مابسامح اللي ظلموني
دا ظلمهم ليا صعب اوي عليا
بسكينة تلمة جم ودبحوني
لكن أنا بدعي يارب قويني أن اسامحهم قبل طلوع روحي
ماهو دول حبايبي وحتة من قلبي
لو جم في يوم تعبوا يزيد أنا نوحي
يارب صبرني ساعدني قدرني واشفيلي جروحي
ليست هناك تعليقات:
إرسال تعليق