اللى جرالى منك يا دنيا يألف ألف كتاب
حقيقى وبجد يا دنيا اللى ماشى فيك شريعة الغاب
كل ما افتح باب أمل يتفقلى ألف باب
كل طريق بمشيه ديما بينتهى بطريق سراب
الوفى اللى عامله صاحبى طلع أكبر كداب
ليه يا دنيا تجرحينى كتير وتدينى الأمل بحساب
فى الأوجاع أنا من صغر سني لحد الشعر ما شاب
ليه يا دنيا محدش بيوفيلى والوفاء لقيته بس فى الكلاب
اللى ماشى صح معانداه واللى ماشى غلط جايه معاه على الطبطاب
ليه يا دنيا زمن الطيبة والمودة غاب
وليه يادنيا زمن الخسة والندالة دايما جلاب
عمرى عدى يا دنيا وشكلى مش هرتاح إلا فى التراب
ياريتنى ابقى زى الناس بس إزاى ماالطبع غلاب
دايما دموعى على خدى وقلبى من الأحزان داب
الوجع اختارنى من بين الكل بدون أسباب
فى النهاية مليش فيك يا دنيا إلا رب الأرباب
بقلمي أنا مصطفى عوض المحامى شاعر العاميه ابن قرية المعابدة
ليست هناك تعليقات:
إرسال تعليق