معقولة
معقولة تخليني ناطرة بعتم الليل
ويمرو الناس ويسألو مين ناطرة
بجاوبهم ناطرة حبيبي اغلى الناس
ردو عليي وقالو هاد ما عندو إحساس
قلتلهم حبيبي متل الدهب والماس
واكيد رح يطل عليي بقده المياس
بس طلع إحساسي مو متل ما بدي
وحبيبي مو فارق معو مارح يجي لعندي
لا بقى تعطيني وعود لعندك ما بقى عدي
هيك حكم قلبي وهيك انا بدي
انت اللي سميتك روح الروح
ليش تركتني وسرقت مني الروح
ما بتعرف إنو لعندك ما بقى روح
وقلبي من مبارح ما بطل نوح
رح أطلب من الله يبعتلي سفينة نوح
تنجيني من حبك وترجع لي الروح
نجاة دلول
ليست هناك تعليقات:
إرسال تعليق