لسه ساكنة جوه قلبي
وعقلي لسه مش ناسيها
قلبي عايش دور الشباب
ونسي إن الشَعر شيبة
عمري ما نسيتها يامان
ولا نسيت لون عينيها
كل ليلة تيجي ف منامي
أخدها ف حضني بخاف عليها
واقول لليل طول ياليل
نهارنا خانا وضحى بينا
أزاي ياعقلي هانسى اللي ليه
وأنته عارف حكايتي بيها
عارف كمان مين اللي خان
وكسب الرهان مني ف دقيقة
خاني صاحبي اللي كان أنتيم
خان اللي بنا ف يوم وليلة
لسه ساكنة جوه قلبي
وعقلي لسه مش ناسيها
شوفت الدنيا أزاي يامان
بتقلب ساعات وتذل فينا
اتقل ياعقلي خليك تقيل
وخد بأيدي اعملي قيمة
( لسه ساكنة جوه قلبي )
بقلمي/ جمال حلمي ابراهيم عامر
ليست هناك تعليقات:
إرسال تعليق