مُحَالْ
مُحَالْ حْبِيبِي
أَنَا يَنْسَانِي
هُوَ عُمْرِي
هُوَ ضَيّْ عْيَانِي
هُوَ قَلْبِي
وَعْمَارَة أُوطَانِي
شْحَالْ مَنْ حْلَامْ
مْعَاهْ بَانِي
عُمَّرْنِي مَحَبِّيتْ
غِيرُو ثَانِي
هُوَ وَحْدُو
لَّلِي رَافَعْ شَانِي
أَنَا بْلَا بِيهْ
غْرِيبْ أُو بَرَّانِي
حُبُّو فْنِيرَانْ
لْغُرْبَة رْمَانِي
لَبْلَادْ بْعِيدَة
دَّانِي وَنْسَانِي
لِيلِي طَالْ
وْسَهْرِي عْمَانِي
صَبْرِي زَالْ
وْشَوْقِي كْوَانِي
مُحَالْ حْبِيبِي
أَنَا يَنْسَانِي
مَنْ غِيرُو أَنَا
وْحِيدْ نْعَانِي
حْبِيبِي مُدَّة
خَبْرُو مَجَانِي
ّطَالْ غْيَابُو
أُوَحْشُو عَيَّانِي
طَامِعْ أَنَا
نَفْرَحْ بِيهْ ثَانِي
نْكُونْ مْعَاهْ
فَحْيَاتِي هَانِي
مُحَالْ حْبِيبِي
أَنَا يَنْسَانِي
بْلَا بِهْ أَنَا
غْرِيبْ وَحْدَانِي
الطَّيِّبِي صَابِر(المغرب)
ليست هناك تعليقات:
إرسال تعليق