عِيدْ مِيلَادَكْ
يَا سَرْبْ لَحْمَامْ يَا مْسَافَرْ
بَللَّهْ عْلِيكْ خُذْ لِي فَجْنَاحَكْ
مَرْسُولْ لَحْبِيبِي وْلِيهْ نْقُولْ
نْهَارِي كْبِيرْ هَاذَا يَا حْبِيبِي
جْمِيلْ وَأَحْلَى مَنُّو نْهَارَكْ
صَادَفْ شْهَرْ فْضِيلْ مْعَظَّمْ
كْرِيمْ وْلِيكْ بَسَّعْدْ يْبَارَكْ
أَلْيُومْ لْعَاشَرْ وْبَعْدُو يُومْ
فِيهْ نَحْتَفَلْ بْعِيدْ مِيلَادَكْ
يَا سَرْبْ لَحْمَامْ يَا مْسَافَرْ
بَللَّهْ عْلِيكْ خُذْنِي فَجْنَاحَكْ
نْرُوحْ لَحْبِيبْ لْقَلْبْ نْهَنِّيهْ
بْعِيدُو وُمْعَ لَعْزِيزْ نْشَارَكْ
وَنْقُولْ يَا عِيدْ حْبِيبِي عُودْ
عْلِيهْ بَلْفَرْحَة وْأَجْمَلْ يَّامَكْ
يَا سَرْبْ لَحْمَامْ يَا مْسَافَرْ
بَللَّهْ عْلِيكْ خُذْنِي فَجْنَاحَكْ
تْمَنِّيتْ يَا حْبِيبِي نْكُونْ لْيُومْ
مُوجُودْ مْعَاكْ نَفْرَحْ بَجْنَابَكْ
نْعِيشْ عِيدَكْ وَنْقُولْ مَبْرُوكْ
وْبَشْهَدْ لَكْلَامْ يْجِينِي جْوَابَكْ
يَا سَرْبْ لَحْمَامْ يَا مْسَافَرْ
بَللَّهْ عْلِيكْ خُذْنِي فَجْنَاحَكْ
نْمَتَّعْ عَيْنِي مِنْ عْيُونْ لْغَالِي
عْلِيكْ نْسَلَّمْ وْنَتْعَرَّفْ حْوَالَكْ
قَلْبِي لِيكْ نْتَ وَحْدَكْ وْعَقْلِي
مَفْتُونْ بَجْمَالَكْ وَنْتَ لْمَالَكْ
أَنَا طَالْ بُعْدِي عْلِيكْ وَزَادْ
وَحْشِي مُكْرَهْ وْحَقّْ غْرَامَكْ
الطيبي صابر (المغرب)
ليست هناك تعليقات:
إرسال تعليق