كداب وكدابه... تاليف/ ناصر يوسف عيسى
الكلام المعسول جميل وبيخلى اى بنت فى الحب
تقع كمان وتميل
لأن الأذن احيانا بتعشق قبل العين وكله فى الهوى
ومش مهم شكل اللى بيقول الكلام ده نحيف
ولا فى وزن الفيل
المهم انه يقول على طول ولو مهبول ويريح
ويشفى القلب العليل
واللى يعاند فى نفسه يصبح ذليل وغاوى
بمزاجه يسهر الليل الطويل
وعلشان كده الرجل بيكدب ويزود الحكايات
ويكثر المواويل
اما البنات بتحاول تعدل المايله بوضعها
فى وشها المساحيق
وتبذل مجهود كبير علشان من حسنها قال ايه
تجنن المخاليق
واوقات كثير تقوم تعدل فى حالها وتصحى
وتبص فى المرايا ع الريق
واللى تطول شعرها واللى فى ثوانى تقصره
وبعيونها يا سيدى انت الغريق
واللى بتنفخ خدها اوتصغر انفها اوحتى تعدل
ضبها وكله جاهز للتشويق
والنحيفة تكبر وتسمن بالادويه والسمينة
بالرجيم والجيم تصبح رشيق
الخلاصة الكل يكذب فلا تقعد للظروف
وللحظ تلعن وتندب
وقبل ماتطلب شاطرة فى المطبخ زى امك
وتكون للعين والقلب تجذب
شد حيلك يا سيدى واملا الثلاجة زى ابوك
بزياده من غير ما تسلب
وهى هاتعيش معاك على قدها وتربط الحزام
على بطنها وتدعيلك تكسب وتغلب
بس انت اديها حقها واضحك كمان فى وشها
وربك والله للخير ها يجلب
ليست هناك تعليقات:
إرسال تعليق