واد ولدي
واد ولدي . يا خية . الواد محمود
عمال يجلع . على جده
عقط على نخلة . ناس عبود
بالنارخ جه . مالي سيالته
ما هو حيلة . ياناس . آخر العنقود
والفرحة اللي هتحرس . ارضه
ومسير العمر أكيد هيفوت
و هيبقى الواد . هو حلاوته
وصحينا الصبح . لقينا الموت
رافع على بيتنا . هنا اشارته
يارويحتي لقينا . الواد محمود
عيان بيفرفط . من جنبه
وبسرعة كشفنا . وجالنا سكوت
سرطان وبينهش . من لحمه
والآااه بيقولوها . بأعلى الصوت
والدمعة بتنزل . على خده
والدنيا ف لحظة . ضلامها يسود
وسوادها يدور . على راحته
وحكاوي الجرح . ماليها حدود
والعبرة . ما بين . عبد وربه
وبندعي يارب . في كل سجود
تشفيهم . وتفرح قلبه
نحلق دائما خارج السرب
خارج عن المألوف
شادوليات
شاذلي محمد عبدالرحمن حسين
"اللهم اشفِ مرضى السرطان وأنزل عليهم العافية اللهم احفظ صحتهم وقوتهم وخفف عنهم كل ألم يشعرون به
وأبعد عنهم كل ضرر يا رب العالمين"
ليست هناك تعليقات:
إرسال تعليق