بلاش نكد
قال الشاعر :
...............
قاعد ليا وطاله عينيه
فالت لسانه بالفاظ تماشيه
مصاحبه نكده وموصيه
زهقت منه شخطت فيه
بالراحة عليا واقرا العيبة
صوتك مزعج قوام وطيه
حسن طبعك ليه الجرسة
اوعى تفكر هاسمح بيه
عمرى ما اكون زيك نكدية
ساكته فى حالى متربية
متماسكه ثابته من دعويا
قنوعة كمان بروح مراضية
بص لروحك مقل فيها
اوعى مافيك تلزقه فيا
قلبى ليك مليان حنية
لعقلى يغيب وتبكى عليا
افعاله كانت ما ليها نهاية
رحت لحالى وانا طهقانة
عبايتى لحضنى ليا وقاية
حياتى يكتب ليها رواية
بطولتها بسيطة معاه غلبانة
بنفس عفيفة وكمان تعبانه
روقت وفوقت من الكبوة
روحت بعته قوام بخسارة
واخد همومه فى ترحاله
موافقه بعزة كمان بجسارة
كان يوماتى مانع الطلعة
محضرلى دايما فى خدعة
يسترجل خوفة بالصفعة
قلبى مفرهد فاقده الجرئة
معندوش رحمة ولاشفقة
الثقة مفقودة وطرمانة
اتنهد صابرة وعطشانة
لذلال الراحة فى قنايا
مفيش شهية للشوقة
خذلان متردد فى العودة
شخصيه ضعيفة مغلوبة
اراؤه هزيلة ومتعوسة
النفس سئمانة مفروسة
يشغل بالك فى سؤاله
مايخصك فيه ويحلاله
خلانى فى حياته قرفانة
ساذج لازم من دى الوقفة
احفظ ذاتى اكون شاطرة
ببيشة واتغمغم بالطرحة
حافظة كرامتى من قبحة
ربى يعوضنى بروح فرحة
احمد الشريف حسين
ليست هناك تعليقات:
إرسال تعليق