كبرنا
كبرنا وثقلت خطاوينا
امشينا قد ما امشينا
ما مات الحلم اللي ساكن فينا
مرة بوجيعة ومرة بتنهيدة
كبرنا وكبرت أمانينا
لا يوم عدى ولا انسينا
مواجع الماضي بالقلب هدتنا
ضاع العمر فى ثنايا وشبنا
ركبنا الشيب فى عز شبابنا
أمشينا فى بحر الموت اركبنا
موجة تدى وموجة تعاندنا
قلبة بقلبة فى قلب البحر تغرقنا
على اليابسة تركنا أحلامنا
تركنا الخير من دعاوى والدينا
كان الحلم وعد ما أضيع منا
لكن كبرنا وثقلت خطاوينا
تاهت مشاوير أحلامنا فى ثنايا
انكتبت قصائد عذاب و هجرتنا
بدمنا وشوقنا وعذاب غربتنا
كبرنا وكبرت أمانينا وما نسينا
ضاعت أيام عزنا ونخوتنا
شقينا بحر الموت واركبنا
هول موج الخطر فى حكايتنا
حكاية عمر ضاع وشبنا
كبرنا وكبرت امانينا
كبرنا وثقلت خطاوينا
لبحر الموت ماتت أحلامنا وأمانينا
قصيدة : كبرنا
الشاعر منير صخيري تونس
الاحد 02:جويلية 2023
ليست هناك تعليقات:
إرسال تعليق