سألت قلبي
إيه الحكاية بطلت تحبها
بطلت تحن ليها
تحس حنينها
نسيت كل اللي كتبته
واللي وصفته في حسنها
رد قلبي قالي عيب
هو في حد في الدنيا زيها
لو حبيت كل يوم
والله محد يقدر
يعوض حضن قلبها
عيب أوي
قبل ما كنت تسألني
جاوبني إزاي بتحسك
كل ما تشتاقلها
تجري عليها تحسها
كلامك صح ياقلبي
مش كل اللي عنده قلب
يقدر يحسك زيها
كل يوم الناس تحب
بس والله يفرق كتير
حب الدنيا عن حبها
الخلاصة وبأمانة
قدر متسطر ومكتوب
ركعة بتوبة
ياما النفس معيوبة
بيها بتتداري العيوب
كل ما أحس بإني بغلط
اداري جواها
بتطهر من كل الذنوب
احمدعبدالحق
ليست هناك تعليقات:
إرسال تعليق