وصية أمي
وعدتني تكلمني
كلام حلو تكتبلي
يفرح قلبي
لكنك ما وفيت
وحلو الكلام ما خطيت
زعلت مني لأني بحبك ما حكيت
طيب عادي ما إنت تعرف اللي جوايا
عايز تسمعها بودانك وأنت سمعتها بقلبك!!
هو عناد وخلاص ولا تصميم أراء
حكتلك سمعني قبل ما أنام
لكن إنت رفضت الكلام
فكرك أجري وراك وأترجاك
تبقى غلطان ومتعرفش ست البنات
ده غيرك تعب كتير ولا سمعهاش
أصل الحكايه في عزة النفس
وعالأصل دور من سكات
مش كل من قالت بحبك تصدقها
دي العفه وطيب السمعه لحظه السكات
ولو مصمم على رأيك يبقى عليك السلام
إما تعيش معي بدون أي إعتراف
أو تتوكل على الله وتقفل الباب وراك
أصل أمي علمتني زمان وأناحفظت الدرس تمام
يابنتي صوني نفسك وكوني موزونه
وإياكي تضعفي أو ينضحك عليكي بكلمتين
وخلي بالك يابنتي نصيحه وإسمعيها
مش كل من قال تعالي تجري وراة
خليكي تقيله وشريفه ولو عايزك بجد
خليه يدخل من الباب وبلاش ينط من الشباك
ولو مش عايز إقفلي الباب وراه بالترباس
أصل مش كل واحد ينحط الراس إلا ابن الأصول و الناس
دي نصيحتي حطيها في الراس مش في الكراس
كارمن كارمن
ليست هناك تعليقات:
إرسال تعليق