والتمن.......كيلو لحمه
مفيش لحمه السنه دى
معلش ياولادى
منهم لله
ورزقنا على الله
ده تمن الفرخه يجيب
ربع كيلو لحمه
ونعمل فته بشوربة الفرخه
العيال زعلت واعدت تعيط
رحت عند الجزار ابو اسلام
صوت العيال فى ودانى
آه يانى.....
الجزار سمعنى ونادانى
مالك يااستاذ مختار
واقف كده ومحتار
والله يا ابو اسلام
العيال نفسهم فى اللحمه
ونازلين عبيط
طب تعالي خد لك كيلو بالتقسيط
ولا تيجى تمسك ليه الحسابات فى العيد
انت عارف انا فى الحساب عبيط
ياابو اسلام. ياابو اسلام ما يصحش
انا مدير عام...
ياعم روح.....
طب فى جيبك كام
بلاش عنتظه
انا هديلك كيلو بحاله ببلاش
قلت ايه...
أمرى لله اعمل ايه
اتفضل اللحمه ياسعادة البيه
خدت اللحمه وجريت ع البيت
العيال فرحت
ونا من جوايا بعيط
والتمن ....
كيلو لحمه
وكل عام وانتم بخير
نبيل المصرى
ليست هناك تعليقات:
إرسال تعليق