قول يا أبوي
قولي كلمة ع الحياة
أصل صوتها كان معايا . كله اااااااه
هي ااااااه مش كلمة يابني في الحياة
كله قالها أصل دي كلمة نجاه
اللي قالها والمرض عايش معاه
واللي قالها في حلم ضايع من سماه
واللي شاف الحزن و الهَم إبتلاه
واللي جوه الحب منسي واللي حَبه قاله لا
واللي قالها لما ماتله أغلى غالي . كان حِماه
واللي جوه الدنيا عايش فقره بيدور وراه
واللي جوه الضلمة تايه عتمته في كل إتجاه
حتى فى الفرحة تلاقى . ناس كتييير بتقولها اااااااااااه
اااااه يا ولدي كلمة حية . ليها وقت وتبقى ضحكة
تبقى ذكرى . يلا يابني دوس عليها في طريقك للحياه
أصل رب الكون بحِكمة . خلى معنى لكل ااااااااااه
شاذلي محمد عبدالرحمن حسين
.
ليست هناك تعليقات:
إرسال تعليق