قصيدة بالشعر المحكى
قالتْ أوعى تحاكوني عالخاصْ
وخصوصي الشاعر والقاصْ
هذول قلوبن كوكتيل
وما إلهنْ عنوانْ محددْ
وبكل ديره إلهنْ مقناصْ
وكل ما حاكوا بنيَّه يقولوا
والله قلبي فيكي غاصْ
قلتلها مخزونك خَلَّصْ
ولَّا لِسَّى فيَّو رصاصْ
كفيتي إنتي وفِّيتِي
ودقيتي كل الأجراصْ
ما كان داعي للتشهير
ولا كان داعي للقصاصْ
والتراسلْ يا مزيونه
ما هو جريمه عالخاصْ
إنتي خليكي بحالكْ
ولا تحكي بأسم الاشخاصْ
وخصوصي الشاعر ياحلوه
ما خلقتْ إيلو الأقفاص
لكن نحنا يوم نحب
في عنَّا موده وإخلاصْ
بقلم: أبي وضاح
ليست هناك تعليقات:
إرسال تعليق