كنت ناوي ماكتبش عامي
شعر العوام حرفة وكار
لا كن حبيبي زعلوا مني
قالوا يعني العامي عار
قولت لا أنا عامي أصلي
بس ماشي مع ال ماشي
شعر الفصحى بحوره نار
لما تكتب فيه تحاذر
من الغلط لتبقا فار
والصيادين قاعدين لغلطة
يصطادوك عز النهار
واحد يقول شعره ضعيف
والتاني يضرب رصاص ونار
قولت لازم اجهز سلاحي
وادخلها عاركة باقتدار
خرج حد قال دا عامي
وكل سطورة فيها عوار
قولت ماشي ندخل سجال
لو كان صحيح شعره انبهار
والحكم يبقا لحد فاهم
درس نقد بأختصار
صاحبي هرب كده ف لحظة
وقال كرامتي هتضيع وطار
هو دا سبب غيابي
سامحوني ياله من غير شجار
صحيح لبست بدلة ميري
وفوق كتافي سيوف دمار
لا كن اصلي هو أصلي
لا يوم هاكون حد مُعار
الشعر في دمي ذي أسمي
شايلة معايا ليل نهار
عامي اكتب فُصحى أكتب
الوزن عندي بالعيار
شعري خيال وفكر راجح
مش كلام ولا شعار
بكتب لناس حبه شعري
عايزه تزيح شعر الغبار
الكلمة عندي جامدة حديد
مش كلمة مايعة تقلب هزار
خلاص حبيبي كفارة سامحوا
الحق عندي والعامي كار
كنت ناوي ماكتبش عامي
بقلمي/ جمال حلمي ابراهيم عامر
ليست هناك تعليقات:
إرسال تعليق