عبدالفتاح عبد الرحمن والي
(زينة الرجال)
قلت لإبني
إوعي تخاف من الزمان
مدام ربك شايفك ودائماً جنبك
يبعد عنك عين الحسود
لا تقلل في يوم يا واد عزمك
وإن قلبك قام مش راضي
إوعاك يا وليدي تحط إيدك عل خدك
بوك يا راجل شق جدار المستحيل
فاكر يا زينه الشباب مين قدك
بوصيك بربك ودينك عرضك وأرضك
وطنك مايتك في عينك خواتك
قبل المدام وفي الأخر قول بييك
عاوزك تبقي شديد في الحق
ما تخاف ملام أبدا يا بطل
ولا نبح الكلاب يوم يهتك
إوعاك تقول يلا نفسي
إوعاك ينقبر بييك لا تصبح
علي صحابه غواليه
يا صاحبي ولا تمسي
إوعاك يقولوا يا ريتك طالع لأبوك
عمره يا بن الحلال ما باع زيك
عاوزك تكون زينة الرجال
وإن فكرت في العيال
بنت الحلال تكون سندك وضلك
والخشا والحيا طريقك مذهبك
صنف الحريم لو شمال مش طريق
اليمين ليك أب وخال والعفاف من صفك
اللقمه الحرام ما تملي بطون
داري الحلال عن الحرام ليغشك
إوعي تصدق إللي يقول أصيل
عاشر وإعرف مين معاك ومين ضدك
وإسمع النصيحه وداري علي الفضيحه
إستر العباد وإحمي البلاد وفتح للدين صدرك
قول بوي قال دا الكلام
قبل ما يصير عظام وسيرته يا واد من سيرتك
وإن جت في يوم عليك الحيره علامه
قول يا رب يفك ضيقتك يجبرك ويهدي حيرتك
وقول يا بيي هتلاقيني جنبك في المنام
شايفك وجايلك دور عليه يا ولدي جوه قلبك
ليست هناك تعليقات:
إرسال تعليق