الكلام
لا عندي الكلام اجي
مورم شايل صديد مكرس
اتنفس بعيد والراىحة منو
تصل
ويبقي بقاق ويكتر
وكل بقاقة تتوسع وتكبر
والناس منها تعاف وتتنفر
ما الشايف الاذي يزيد
الوجع. الم
ويخلي الحبة بركان مولع
والدخان سحب للسماء
والارض تظلل
والنفخ في النار عشان تشتعل
وتتشوه الوشوش
بحرف منفوس عليه معقد
حسد ببسمة مورد
اطفي بهجة الوش المفرهد
وتحوم النفوس بالعيون تتكلم
ما العود ما مسوس ولا فيه
شق اشان اقول طق
والخوف من المقالة اكبر
من صاقعة تضرب الارض
كتير ناس تحس
انو الكلام مدفون ملقم
لا تقدر تقولو
ولا تسكت خوف من الخطر
افرفر جوا الروح واللسان
اتمتم
والعيون تدضارة والجسم
اتلبج
والعرق ينزل مطر
مع رعد السنون تكركب
ولا عندي اجي مكسر
وزايد وناقص ومفرهد
واصفر
الطيب عثمان الطيب
ابونبيلة
ليست هناك تعليقات:
إرسال تعليق