في وسط الزحمة
بقلمي يحيى حسين
في وسط الزحمة
والصحبة واللمة
ما فضلش غير البرد
من بعدها أمة
كنت غطا فرشته
وفي حره أنا ظله
يعطش أكون قلته
واتحامى أنا بضله
لا عمري يوم أخدعه
لا أخونه ولا أضله
وإزاى أخون العهد
وأنا صحبته وخله
دلوقتي نفس الفرشة
من غير غطى و مخدة
مال كلام الوحدة
بنقاط حروف حادة
ساعات تغازل خيالي
وكتير تكون جادة
لكن تملي الليالي
في بردها هادة
راح خلاص الدفا
أصل الدفا خاين
ما سابش غير الجفا
على الفرشة هنا باين
ما راح خلاص الصفا
لا ورد لا جناين
ما فضلش غير الدمع
تعال شوف عاين
تعالي هنا يا أمة
نفسي في دفا شمعة
كل شموعي عتمة
على خدها دمعة
وتملي دموع الليالي
من غير نجوم لامعة
كأن ساعات الليالي
قضبان لينا وجامعة
والقاني وسط الناس
بردانة أنا يا امة
أحلم بساعات زمان
في الحضن واللمة
لما كان الدفا
بحضنك هناك ضمة
يحيى حسين القاهرة
11 مارس 2022
ليست هناك تعليقات:
إرسال تعليق