نادى المؤذن
نادى المؤذن حي على الصلاة
حي على الفلاح
اسمع حبيبي ولبي الندا
وابعد الشيطان
صلي جماعة وارفع ايديك للسما
اذكر ربنا وصلي ع الرسول
ياخد بإديك الإله ويزيح عنك الهموم
الصلاه فرض ومكتوب
تمحىٰ الذنوب وتطهر القلوب
وأنت ياللي قاعد ع القهوه
مضيع وقتك بتلعب دومنو وطاوله
واللي واقف ع الناصيه
عيونه ع الرايحه والجايه
حسنات بتجري من إيديك
وسيئات بتكتب عليك
صحصح قلبك فوق
وبُص لفوق شوف السما واحمد ربنا
على النعم ورزقه ليك
إوعىٰ تنسىٰ الفرض اللي عليك
كل شئ مكتوب إن كان ليك أو عليك
عمل صالح أو كان معيوب
العمر أيام وبتعدي واخرها حساب
ياتتهنىٰ وتنول الجنه
ياتندم وتكون ف النار
وع اللي فاتك تقول ربي ارجعون
فوق ولبي الندا صلي
قبل مايشيلوك ويصلوا عليك
وف التراب يدفنوك
ابراهيم محمد آدم
ليست هناك تعليقات:
إرسال تعليق