-أنا مصر --- كلمات الشاعر احمد جابر سويلم
أنا اللى شلت على كتافى احمالى
وأنا اللى قتلت الخوف جوا جدرانى
وأنا اللى مسحت دمعتى من على أجفانى
وأنا اللى فى الغربة طويت كل أحزانى
مش كل نبت اتزرع هزه الريح بقى مايل
ولا كل جبان هجرى عليه واتحايل
أنا اللى قهرت الصبر ما هزنى مرة
وأنا اللى قتلت الجبان ما همنى غله
وأنا اللى كتبت إسمى على الصخر من دمى
وأنا اللى إبنى على رمالى سال دمه
وأنا اللى من نيلى ارتوى زرعى
وأنا اللى الشمس فرشت توبها على أرضى
وأنا اللى فردت زراعى للى طلب ودى
على مر الزمن عرف العدا غضبى
بحب الخير لأهل الخير لو جونى
ولو فكر فى يوم الغدر يخطونى
فى بطنى هبلعهم لو يوم جم يحاربونى
أنا مصر على مر الزمن كل العدا عرفونى
ليست هناك تعليقات:
إرسال تعليق